د آپريشن سوئفټ ريټارټ په 7مه سالګره ټول قام د وسله والو جرات، پيشه وره پوهې او قربانيو ته سلام كوي۔صدر مملكت آصف علي زرداري

اسلام آباد 27 فروري (اے پي پي) صدر مملكت آصف علي زرداري وئيلي دي د آپريشن سوئفټ ريټارټ په 7مه سالګره ټول قام د وسله والو جرات، پيشه وره پوهي او قربانيو ته سلام كوي۔ د جمعې په ورځ د ايوانِ صدر پرېس وِنګ د اړخه جاري شوې بيان له مخې صدر مملكت آصف علي زرداري ووئيل په 27 فروري 2019 د شوي بلااشتعال جارحيت خله ماتي ځواب وركولو سره پاكستان ثابته كړې چې په قامي خپلواكۍ به كومه سمجھوته نه كوي۔ده ووئيل څه ډول چې آپريشن سوئفټ ريټارټ كښې ختيز څخه د راغلي دښمن غاښونه مات شوي، د هغه عزم او صلاحيت مظاهره تيره ورځ په لويديزه پوله هم وشوه ۔ صدر مملكت آصف علي زرداري ووئيل كه ختيزې وي يا لويديزې د پاكستان د پولو د خلاف ورزۍ به ځواب يو ډول وركولې شي۔ده ووئيل د افغانستان غير نمائنده حكومت او پاكستان كښې په غير ملكي سرپرستۍ كښې د فعاله شر خوښو عناصر سرپرستو ته دا واضحه پيغام دے چې پاكستان به پخپله سلامتيا او د دفاع په وقار د كوم مصلحت ښكار نه شي۔ صدرِ مملكت ووئيل زمونږ وسله وال پوځ هر وخت چمتو ولړ دے او د هر ډول خطرې د مقابلې كولو بشپړ صلاحيت لري۔ صدر آصف علي زرداري ووئيل پاكستان سيمه كښې امن غواړي،خو امن دې كمزوري ونه ګڼلے شي۔ده ووئيل قام د اوسپني ديوال په شان د خپلو وسله والو سره ولاړ دے او د هر ډول جارحيت په ضد يو موټے دے