په سوات كښې 5 ورځنې د پوليو مخنيوي مهم پيل شو

پېښور ۔ 15 دسمبر (اے پی پی) په سوات كښې 5 ورځنې د پوليو مخنيوي مهم پيل شوے دے۔ د سوات ډپټي كمشنر دفتر لخوا د جاري شوي بيان له مخې مرستيال اسسټنټ کمشنر بریکوټ احسان الرحمان د پوليو وېكسي نېشن مهم په اولنۍ ورځ د ګېمن پُل، بریکوټ بازار او نورو ځايونو دوره وكړه او د ټرانزټ او فکسډ پولیو ډلو د حاضرۍ او كاركردګۍ جاج يۍ واغست۔ ډپټی کمشنر سوات سیلم جان مروت اولس ته اپېل كړے دے چې هغوي دې 5 كالو څخه د كم عمر خپل كوچنيانو ته پوليو څاڅكي وركړي او امنيتي ځواكونو او په پوليو مهم مامور اهلكارو سره دې بشپړه مرسته وكړي۔