د خېبرپښتونخوا وزيراعلٰی محمد سهيل آفريدي په مشرۍ كښې د اين ايف سي تيارۍ په اړه مشاورتي غونډه

پیښور 26 نومبر (اے پي پي)د خېبرپښتونخوا وزيراعلٰی محمد سهيل خان آفريدي په مشرۍ كښې د شورو په ورځ د اين ايف سي غونډې تيارۍ لپاره مهمه غونډه وشوه۔د پېښور وزيراعلٰی هاؤس وياند له مخې وزيراعلٰی ته اين ايف سي په اړه جامع بريفنګ وركړے شو ۔په غونډه كښې د خزانې صلاحكار مزمل اسلم٬تيمور سليم جهګړا٬چيف سېكرټري او خزانې سېكرټري پشمول اړوندو كسانو ګډون وكړو ۔په غونډه كښې د اين ايف سي په اړه د صوبې په مالي او آئيني حقونو تفصيلي غور وشو۔په غونډه كښې د صوبې او اولس حقونو تحفظ لپاره په هره كچه بشپړه هلې ځلې روانې ساتلو له د عزم څرګندونه وشوه ۔اين ايف سي غونډه كښې د خېبرپښتونخوا د مفادات بشپړه او د موثره دفاع كولو پريكړه وشوه۔