اسلام آباد 29 اګست (اے پي پي) د نائب وزيراعظم او خارجه وزير سينيټر اسحاق ډار او د جمهوريه آرمينيا د خارجه وزير ارارات ميرزويان ترمېنځه خوشګوار او تعميري ټېلي فوني خبرې شوې چې پكښې دواړو مشرانو د پاكستان او آرمينيا ترمېنځه په رسمي توګه د سفارتي اړيكو په جوړولو غور كولو لپاره سلا كړې ده۔ د جمعې په ورځ خپل اېكس پوسټ كښې سينيټر اسحاق ډار ووئيل زما د جمهوريه آرمينيا خارجه وزير ارارات ميرزويا سره ټېلي فوني خبرې شوې دي او نائب وزيراعظم د آذربائيجان او آرمينيا ترمېنځه د تاريخي امن تړون هركلي كولو سره دا سيمه ايز استحكام او خوشحالۍ لپاره يو مثبت قدم ګرځولے۔دوي د دواړو هېوادونو ترمېنځه سفارتي اړيكې جوړولو لپاره غور كولو له سلا كړې ده۔ دواړو مشرانو په دوه اړخيزه او ګڼ اړخيزه فورمز د ممكنه مرستې په وده او په بېلا بېلو څانګو كښې په مرسته زياتولو د خيالاتو څرګندونه وكړه۔(
