اسلام آباد۔29 اګست(اے پی پی) وزیر اعظم شهباز شریف د عوامي جمهوريه چين صدر شي جن پنګ په بلنه 30 اګست څخه تر 4 ستمبر د چين سركاري دوره كوي۔ وزيراعظم به د خپلې دورې په مهال په تيانجن كښې كېدونكې د شنګھائي مرستې تنظيم (اېس سي او ) سرمشريزه غونډه كښې د پاكستان نمائندګي كوي۔ د جمعې په ورځ د خارجه دفتر لخوا د جاري شوي بيان له مخې وزيراعظم به د چين دورې په مهال صدرشی جن پنګ او وزیر اعظم لی چیانګ سره جلا جلا ملاقاتونه كوي په كومو كښې به چې د پاكستان او چين ترمينځه د دوه اړخيزه مر ستې په بېلو اړخونو د خيالاتو څرګندونه كولې شي۔ په بیجنګ كښې به وزيراعظم په دوېم ستر جنګ كښې د بريا 80 مې سالګرې په موقع كېدونكي خصوصي پوځي پرېډ كښې صدر شي جن پنګ او نورو نړيوالو لارښودو سره ګډون كوي۔ وزیر اعظم به نوموړې چينائي سرمايه كارو ٬ كاروباري شخصياتو د بېلو كمپنيو مشرانو سره هم ملاقاتونه كوي دغسې چې پاك چين اقتصادي اړيكو ته وده وركړې شي۔ وزيراعظم به بيجنګ كښې پاك چين بي ټو بي سرمايه كاري كنفرنس ته خطاب هم كوي۔ دا دوره د پاكستان او چين ترمينځه د اعلی كچې مشرتابه د برله پسې تبادلو تسلسل دے كوم د دواړو هېوادونو ترمينځه په ستراتيجكي مرسته د اډانه همكارۍ لا پياوړې كولو ٬ د سي پېك دوي پړاؤ ته د ودې وركولو او په مهمو سيمه ايزو او نړيوالو چارو د نزدې تړون ساتلو اهميت رامخے ته كوي۔
