لاهور 27 اګست (اے پي پي) د راوي درياب د سېلاب او اوبو د موجوده صورتحال او د رامخې ته مسئلو جاج اغستو لپاره وفاقي وزير عبدالعليم خان د شاهدره دوره كړې چرته چې دوي ته د صوبائي انتظاميه او اړوندو ادارو لخوا د بريفنګ په مهال ووئيل شول د هر ډول هنګامي صورتحال مخنيوي لپاره ټول انتظامات ترسره شوي دي، صوبائي حکومت، ضلعي انتظاميه، ريسکيو 1122 او سول ډيفنس حفاظتي کېمپس لګولي دي او پاك پوځ هم “آن بورډ” دے۔ په دې موقع ميډيا سره په خبرو كښې وفاقي وزير عبدالعليم خان ووئيل د اوسنو بارانونو او د هند لخوا د اوبو پرېښودلو په سبب د پنجاب په دوو دريو دريابونو كښې صورتحال اندېښمند دے او د سېلاب اوبه نزدې آبادۍ متاثره كوي۔ وفاقي وزيرعبدالعليم خان ووئيل دا خبره د اطمينان وړ ده چې ټولې ادارې الرټ او چمتو دي٬ البته د راوي په حواله راتلونكې 24 ساعتونه د اهميت وړ دي۔ ده ووئيل د راوي په دواړو اړخونو د “روډا” حفاظتي بند ډيزائن كوٶ۔ په دې موقع د پاكستان استحكام پارټۍ ځائي چارواكو د وفاقي وزير د شاهدره دورې كولو مننه وكړه۔
