اسلام آباد 20 اګست (اے پي پي) نېشنل ډیزاسټر مینجمنټ اتھارټی (این ډی اېم اے) د بارانونو او سېلاب ځپلو برنو سيمو كښې موسمی صورتحال او سړكونو بنديدو ترمخه د مزل هلو ځلو لپاره الرټ جاری كړے۔د این ډی اېم اے وياند له مخې شمالي سيمو او په خاص توګه ګلګت بلتستان كښې لینډ سلائیډنګ او سېلابی صورتحال له امله ګڼي مهمي ستري لاري ځپلې شوي۔ شیوك كښې سلتورو دریاب پل د لینډ سلائیډنګ له امله ځپلے شوے كوم چې په بشپړه توګه بند دے ۔ جګلوټ-سکردو سړك آستک پل ځپلے كيدو سره ون وے كړے شوے۔ دیان څخه غذر، شندور، خلتی، دین او اشکومن روډز هم ځپلې شوي او د ټرافك لپاره په بشپړه توګه بند شوي ۔دغسې سکردو كښې کارګل، خرمنګ او تھنګل خوړ نه تر شګر لاره هم بنده شوې۔ګلګت سړك نلتر سيمه كښې ټرافك لپاره بند دے دغسې د بحالۍ نه پس ګانچھے كښې سرمو پل او سکردو كښې باغیچه سړك ټرافك لپاره پرانستلې شوي ۔ هنزہ كښې ګلمیت نه تر ګوجال سړك ، ګلګت كښې جګلوټ نه تر ګرو سړك او استور كښې چلم سړكونه هم بحال کړے شوي دي ۔ این ډی اېم اے اولس ته غږ وكړو چې د ځپلو سړكونو د مزل څخه دې ډډه وكړې شي او متبادل یا غیر محفوظ لارې دې ونه كارولې شي۔
