م
اسلام آباد 02 دسمبر (اے پی پی) اولس مشر ممنون حسېن وئيلي دي د ژوند په هره معامله كښې ميانه روي خپلول د نبي كريمۖ د تعليماتو خلاصه ده۔د عيد ميلا النبيۖ كال 1439ھ په موقع خپل پېغام كښې اولس مشر د آخري نبي حضرت محمدۖ د زيږېدنې ورځې مباركۍ په موقع د وطن والو او ټولې اسلامي نړۍ ته د عيد ميلاد النبيۖ مباركي وركړې۔ ده ووئيل نننۍ مقدسه ورځ زمونږ لپاره د تذكير او د لوظ د پخلي ورځ ده دغسې چې ټوله اسلامي نړۍ د حضور نبي كريمۖ سره خپله رشته لا قوي كولو سره ټولنه نه بلكې د ټولې نړۍ جنت جوړولو لپاره خپل كردار تر سره كړي۔ اولس مشر ووئيل د نبيۖ د زېږون مقصد نړۍ څخه ظلم ٬ فسق٬ ناروا كارونه او پخپله د جوړو كړو خدايانو خاتمې سره سره د بني آدم لپاره رحمت او شفقت عام كول وٶ۔ ده ووئېل محمدۖ د ظلم او جهالت ټولنې له د خپل سيرت په بركت د نېكۍ ٬ خېرښګړې او صله رحمۍ درس وركړې٬ د ژوند په هره معامله كښې ميانه روي خپلول د نبي كريمۖ د تعليماتو خلاصه ده٬ ده ووئېل په هر حالت كښې د انصاف لمنه د لاسه بايد پرې نه ښودې شي او پرېښې رشتې بيا روغې كړې شي۔ اولس مشر ووئيل د محمدۖ تعليمات غمژن انسانيت لپاره د خوشحالو زېري دي۔ اولس مشر ووئيل كه د محمدۖ د تعليماتو په رڼا كښې په خپل ذات او ټولنه كښې د اصلاح عمل پېل كړې شي نو په لږ وخت كښې به ټولې مسئلې هوارې شي او زمونږ ټولنه به د جنت نمونه شي او هم دا د سيرت النبيۖ رښتنې پېغام دے۔اولس مشر دعا وكړه چې لوي څښتن دې مونږ له د محمد ۖ په اسوه حسنه د عمل كولو توفيق راكړې او د خوږ هېواد دې حقيقي پرمختګ او سوكالي نصيب شې ۔
