پېښور 01 مئي (اے پي پي) د خېبرپښتونخوا وزير اعليٰ سردار علي امين خان ګنډا پور وئيلي دي په ټولنه كښې د خواري كښې طبقې عزت٬ وقار او د حقونو تحفظ نه غېر د پرمختګ او خوشحالي خوب نشي رښتيا كېدے، قامي پرمختګ او سوكالۍ كښې د خواري كښې طبقې كردار ځانګړے اهميت لري٬ مونږ د مزدورانو او خواري كښې طبقې خېر ښګړه او حقونه باوري كولو سره پرمختيائي هدفونه سر كولې شو۔ د مئي وړومبې نيټې د لېبر ډے په مناسبت سره خپل پېغام كښې علي امين ګنډا پور ووئيل د خوارې كښو نړيواله ورځ د محنت د عظمت او په قامي پرمختګ كښې د خواري كښې طبقې اهميت او كليدي كردار رامخې ته كوي۔ ده ووئيل د مزدورانو خېرښګړه او د حقونو تحفظ هم د رياست په ترجيحاتو كښې شامل وي ځكه چې خواري كښ په قامي پرمختګ كښې د ملا د تير حېثيت لري۔ ده ووئيل په ټولنه كښې د خواري كښې طبقې عزت٬ وقار او د حقونو تحفظ نه غېر د پرمختګ او خوشحالي خوب نشي رښتيا كېدے۔
