تهران۔24مارچ (اے پی پی)د پاکستان كلتور او سېلګرۍ ته وده وركولو له په برج آزادي تهران كښې د پاكستان ورځې او نوروز دستورو په تسلسل كښې د “ښكلي پاکستان” سرخط لاندې عكسي نندارتون وكړے شو۔ سفیر مدثر ټیپو د ايران د كلتور وزارت استازي علي رضا دباغي سره په ګډه د نندارتون پرانسته وكړه۔ د ايران د كلتور وزارت د دې دستورې كولو له د پاكستان سفارت ته خصوصي اجازه وركړه۔ دا د دواړو هېوادونو ترمينځه نزدې كلتوري او د ورورولۍ اړيكې په ګوته كوي۔ سفیر مدثر ټیپو نندارتون كولو كښې په مرسته كولو د ايراني حكومت او علي رضا دباغي مننه وكړه۔ده ووئيل پاكستان ته ځانګړې ښكلا وركړې شوې ده۔ د دې دنګ غرونه ٬ ساحل ٬ صحرا او تاريخي يادګارونه د پخوانو تهذيبونو امين دي۔ ده ووئيل ايران هم يو ښكلے او ځانګړے هېواد دے۔ ده زياته كړه چې دې ډول منصوبو سره به د دواړو هېوادونو ترمينځه سياست له زياتولو او ښه كولو كښې مرسته ترلاسه شي۔ په دې مهال ګڼ شمېر خلقو د پاكستان د ښائست ستائنه وكړه۔
