په ابوظهبي ډائيلاګ كښې د ليبر مسئلې كمولو او د ميرمنو ملازمتونو زياتولو ته زيات پام وګرځولے شو ٬ سفير فيصل نياز ترمذي

ابوظهبی۔11فروری(اے پی پی) په متحده عرب امارات كښې د پاكستان سفير فيصل نياز ترمذي وئيلي دي چې په ابوظهبي ډائيلاګ كښې د لېبر مسئلې كمولو او د مېرمنو ملازمتونه زياتولو ته زيات پام وګرځولے شو۔ د پاكستاني سفارت لخوا د جاري شوي پرېس ريليز له مخې پاكستاني سفير فېصل ترمذي د اتوار په ورځ د ابوظهبی ډائیلاګ ( اے ډی ډی) اوومې وزارت مشاورتي غونډې ته خطاب وكړو۔ ده د دستورې په كوربتوب كولو د متحده عرب امارات د حكومت ستائنه وكړه۔ د فورم په كردار رڼا اچولو سره ده ووئيل دا يو ځانګړې ډائيلاګ دے كوم چې د خلیج او د آسيا 17 غړو هېوادونو ترمينځه تړون رامخې ته كوي چې مقصد يۍ د مزدورانو نقل وحركت سره اړوندې د شريكو ګټې مسئلې حل كول دي۔ ده د ابوظهبی ډائیلاګ د هڅو ستائنه وكړه په كوم كښې چې مېرمنو لپاره ګرين ملازمتونو ته پام ګرځولے شوے دے۔ فېصل نیاز ترمذی په دې موقعه د موجوده چيئر په دور كښی د اے ډي ډي سېكرټرېټ او اېډوائزري كمېټۍ لخوا په وړاندې كړې شوې مرسته پاكستان حكومت لخوا د مننې څرګندونه هم وكړه۔