په سوات كښې ترافيكي پيښه ٬ 2 مسافر مړه ٬ د ميرمنو او ماشومانو په شمول 21 كسان ژوبل

پېښور ۔ 05 نومبر (اے پی پی) د سوات ضلعې كبل سيمې په پینونئ خټک آباد كښې د يو فلائنګ كوچ ژورې كندې ته د پرېوتو پېښې په نتيجه كښې دوه مسافر مړه او د مېرمنو او ماشومانو پشمول 21 كسان ژوبل شوي دي۔ د ریسکیو 1122 وياند لمخې كنټرول روم سوات ته د اطلاع ترلاسه كېدو سره سمدستي د رېسكيو طبي ډله د پیښې ځايې ته ورسېده۔ ریسکیو طبي ډلې ټول ژوبل شوي د ابتدائي طبي مرستې څخه وورستو سول روغتون كبل ته منتقل كړل چرته چې ډاكټرانو د دوه كسانو د وفات كېدو تصديق وكړو۔ دوه زيات ژوبل شوي كسان په اندېښمن حالت كښې سيدو شريف روغتون ته منتقل كړې شول۔