نائيجيريا كښې د كشتۍ ډوبېدو پېښه كښې د مړو شمېره 103 ته ورسېده

ابوجا۔14جون(اے پی پی)په نائیجریا کښې د كشتۍ ډوبېدو پېښې په نتيجه كښې د مړو شمېره 103 ته رسېدلې ده۔ د فرانسيسي خبري آژانس د خبر له مخې د کوارا ایالت د پولیسو ویاند اوکاسانمي اجے رسنیو ته ویلي چې دغه پېښه پرون په کوارا ایالت کښې هغه مهال رامنځ ته شوه كله چې په كشتۍ كښې د واده له مراسمو وروسته خلك بېرته كوارا ايالت ته روان وو۔ د ځايي خلکو او د رېسكيو اهلكارو په مرسته 100 كسان ژوندي بچ كړې شوي دي۔ د لټون عمليات دا مهال روان دي او د مړو كسانو په شمېره كښې د لا زياتوالي اندېښنه ښودلې شوې ده۔