په يو اے اي كښې د سرو زرو بيعه ټيټه شوې

ابوظهبي 31 مئي (اے پي پي) د متحده عرب امارات (يو اے اي) ګولډ مارکيټس كښې د تېرو دريو اوونيو په مهال د يو ګرام سرو زرو په بيعه كښې 11.5 درهم كمې رېكارډ شوې دې۔ د اماراتي ميډيا له مخې د سرو زرو په بيعه كښې پرله پسې په درېمه اوونۍ كښې كمې روان دې٬ د روانې اوونۍ په مهال د سرو زرو بېلو قېراطونو په بيعه كښې تر دوه درهم كمې رېكارډ شوې د تېرو دريو اوونيو په مهال په مجموعي توګه 11.5 درهم كمې رېكارډ شوې دې چې په سبب ئې د سرو زرو د سكو او كالو د ګاهك شمېره زياته شوې ده