سعودي فنډ فار ډوېلپمنټ پاكستان سره د تېلو مالي مرستې لوظنامه لاس ليك كړه

اسلام آباد۔12جنوری(اے پی پی) د خادم الحرمین الشریفین شاہ سلمان بن عبدالعزیز السعود او ولی عهد شهزادہ محمد بن سلمان السعود په امر عملدرآمد كولو له د سعودی فنډ فار ډوېلپمنټ (اېس اېف ډی) سی ای او سلطان عبدالرحمن المرشد او په پاكستان كښې د اقتصادي چارو سېكرټري ډاكتر كاظم نياز پاكستان ته د يو بلين امريكائي ډالرو د تېلو مالي مرستې لوظنامه د زيارت په ورځ لاس ليك كړې ۔ په دې لوظنامه لاس ليكونه په اسلام آباد كښې د پاكستان او سعودي چارواكو په موجودګۍ كښې وشول۔ د دې ستراتيجيكي لوظنامې مقصد ورور هېواد پاكستان ته د تلپاتي معيشت ثبات له د سعودي عربستان حكومت لخوا په وركړې كېدونكې مرسته كښې تسلسل راوستل دي۔ په كال 2019 او 2021 كښې هم د تېلو په مد كښې د 4.44 بلین امریکائي ډالرو مالي مرستې لوظنامې لاس ليك شوې وې۔ دا اوسنۍ لوظنامه د سعودي عربستان حكومت لخوا د اېس اېف ډی او پاکستانو چارواكو د لارې هېواد كښې پرمختګ زياتولو له پورته كړې شوي اقدامات په ګوته كوي۔ د فنډ جوړېدو څخه وروستو تر دې دمه اېس اېف ډي د پاكستان د توان ٬ اوبو ٬ نقل وحمل او بنيادي اډانې په بېلو پرمختيائي برخو كښې نزدې د 1.4 بلین امریکائي ډالرو 40 نه د زياتو منصوبو او پروګرامونو كښې مالي مرسته كړې ده۔