اسلام آباد 15 اګست (اے پي پي)پاكستان او سعودي عرب د سرمايه كارۍ٬توان او تجارت په څانګو كښې شريكې مرستې زياتولو ته اتفاق كړے۔د ګل په ورځ وزيراعظم شهباز شريف د سعودي عرب نائب وزيراعظم او د دفاع وزير ولي عهد شهزاده محمد بن سلمان آل سعود سره په ټېليفون خبرې كړې دي ۔وزيراعظم د خادم الحرمين شريفين شاه سلمان بن عبدالعزيز لپاره د نيكو هيلو څرګندونه وكړه او د سعودي عرب ولي عهد محمد بن سلمان وزيراعظم او د پاكستان قام ته د 75مې آزادۍ ورځې مباركي وركړه دغسې ولي عهد شهزاده محمد بن سلمان د پاكستان پرمختګ او خوشحالۍ لپاره د نيكو هيلو څرګندونه هم وكړه۔دواړو مشرانو د شريكې خوښې په چارو د خيالاتو څرګندونه كړې او د پاكستان او سعودي عرب ترمينځه د كلونو اړيكې لا مستحكمولو لپاره ئې د عزم پخلے وكړو۔وزيراعظم شهباز شريف او ولي عهد شهزاده محمد بن سلمان د وزيراعظم د اپرېل 2022 دورې په مهال په شوو پريكړو د پېشرفت جائزه هم واخست۔ دغسې دواړو لارښودو د پاكستان او سعودي عرب ترمينځه د سرمايه كارۍ٬توان او تجارت په څانګو كښې شريكې مرستې زياتولو ته اتفاق كړے۔وزيراعظم د ورور هېواد سعودي عرب لخوا د پاكستان په مشكل وخت كښې د مرستې ذكر كولو سره د ولي عهد شهزاده محمد بن سلمان د پاكستان معيشت استحكام او پرمختګ لپاره په اوسنۍ مرسته مننه وكړه۔وزيراعظم ولي عهد شهزاد محمد بن سلمان ته د پاكستان زر دورې كولو بلنه هم وركړه كومه چې هغه قبوله كړه
