اسلام آباد 13 اګست (اے پي پي) د اطلاعاتو او خپرونو وفاقي وزيرې مريم اورنګزېب وئيلي دي چې قومي ترانه د هېواد پېژندګلي ده، بايد په ري ريكارډ قومي ترانه سياست ونه كړے شي، دا زمونږ د ټولو كرېډټ دے، د لياقت علي خان نه پس به شهباز شريف دوهم وزيراعظم وي كوم به چې سبا د ري ريكارډ قومي ترانې اجرا وكړي. د خالي په ورځ خبري كانفرنس ته د وېنا كولو په مهال د اطلاعاتو وفاقي وزيرې ووئيل چې د هېواد دفاع لپاره د پاكستان د پوځ او امنيتي ځواكونو بې شمېره قرانې وركړې دي. هغې ووئيل چې په هېواد كښې كله هم جمهوري دور راغلے، ګټه ئې اولس ته رسېدلې، د ډائمنډ جوبلي په موقع يو سياسي ګوند د پاكستان بېرغ لرې كولو سره د خپل ګوند بېرغ لګولے او د خپل پست ذهنيت ثبوت ئې وركړے. هغې ووئيل چې د آزادې په ورځ بايد مونږ خپلو ځوانانو ته پېغام وركړو چې مونږ يو قوم يو، تر شين هلالي بېرغ لاندې مونږ ټول يو موټې يو، مونږ ته د هېواد پرمختګ لپاره په ګډه وړاندې تلل دي. د اطلاعاتو وفاقي وزيرې ووئيل چې وزيراعظم شهباز شريف به ﴿نن﴾ د اتوار په ورځ د قومي بېرغ هسكولو په دستوره كښې نوې ري ريكارډ شوې قومي ترانه لانچ كوي. هغې ووئيل چې لياقت علي په كال 1954م كښې په وړومبي ځل د قومي ترانې اجرا كړې وه او 68 كاله پس به وزيراعظم شهباز شريف جديد ټېكنالوجې سره د ري ريكارډ قومي ترانې پرانسته كوي. د قومي ترانې د تاريخ ذكر كولو سره وفاقي وزيرې ووئيل چې په كال 1948م كښې د سردار عبدالرب نشتر په مشرې كښې حكومت د قومي ترانې تيارې لپاره يوه كمېټي تشكيل كړې وه. د احمد غلام علي چهاګله لخوا تيارې كړې شوې دهن د هغه وخت وزيراعظم لياقت علي خان او د كمېټې غړو ته وړاندې كړے شو، په كال 1950م كښې د اګست په 10مه نېټه سټېرنګ كمېټې د احمد چهاګله په دهن د قومي ترانې منظوري وركړه. هغې ووئيل چې په كال 1954م كښې د حفيظ جالندهري په تحريك كښې د دې دهن منظوري وركړې شوه او قومي ترانه نشر كړې شوه. د اطلاعاتو وفاقي وزيرې ووئيل چې د لياقت علي خان نه پس به وزيراعظم شهباز شريف دوهم وزيراعظم كوم به چې د پاكستان د آفيشل قومي ترانې اجرا كوي.
