اسلام آباد 05 اګست (اے پي پي) خارجه وزير بلاول بھټو زرداري د اسلامي مرستې تنظيم (او آئي سي) عمومي سېكتر حسېن براهيم طحه ته چيټۍ لېږلې چې پكښې د هغه پام د هند په غېر قانوني قبضه كړي جمو و كشمير كښې سنګين صورتحال پلو راګرځولے شوے۔ د جمعې په ورځ د خارجه دفتر وياند لخوا د جاري بيان له مخئ خارجه وزير خپلې چيټۍ كښې عموي سېكتر ته ورياده كړې چې هند په پنځم اګست كال 20019 په مقبوضه کشمير كښې وحشيانه پوځي محاصره او د مقبوضه سيمې د اولس په بنيادي آزادۍ بنديز لګولو سره په غېر قانوني توګه يو اړخيزه اقدامات نافذ كړي وو، د دې اقداماتو نه پس نور اضافي غېر قانوني اقدامات ئې هم كړي چې پكښې غېر قانوني آبادياتي بدلون او د کشميري مشرانو د بنديوانه كولو په صورت سنګين مظالم شامل دي۔ ده ووئيل په مقبوضه کشمير كښې ماورائے عدالت قتل، خلق بې دركه كول٬ غېر قانوني ګرفتارۍ او د پوځي عملياتو سلسله روانه ده۔ ده ووئيل د هند اقدامات د نړيوال قانون او د جنيوا د څلورم كنونشن پشمول د ملګرو ملتونو د سلامتي كونسل او د او آئي سي د قراردادونو هم بېخي خلاف ورزي ده۔ خارجه وزير ووئيل سږ كال په 23 مارچ په اسلام آباد كښې د او آئي سي د خارجه وزيرانو په 48مه غونډه كښې٬ د “جمو و كشمير كشالې” په سرخط په منظور كړي قرارداد كښې د پنځم اګست د هند غېر قانوني او يو اړخيزه اقدامات مسترد كړي شوي وو٬ د كال 2019 او د دې نه پس د هند اقدامات د مقبوضه جمو و کشمير په نړيواله كچه تسليم شوے متنازعه حېثيت او آبادياتي ډهانچه بدلولو لپاره دي٬ په قرارداد كښې دغه ټول غېر قانوني او يو اړخيزه اقدامات بېرته اخستل او د جمو و كشمير په اړه د ملګرو ملتونو د سلامتي كونسل قراردادونو په بشپړه توګه نفاذ لپاره كوټلې او د معنې وړ اقدامات مطالبه هم شوې وه ۔خارجه وزير په عمومي سېكتر زور رواړو ھغه دې د كشميريانو د قربانيو او د مېړنو هلو ځلو د تاريخ احترام كولو تر مخه د او آئي سي پلېټ فارم څَه لا اقدامات كولو سره د مقبوضه کشمير د اولس د بشري ضرورتونو ترسره كولو له مرسته وكړي او د او آئي سي فېكټ فائنډنګ مشن تر مقبوضه سيمې رسنې لپاره دې هلې ځلې وكړي
