اسلام آباد 18 اکتوبر(اے پی پی)د قامي اسمبلۍ سپيكر اسد قيصر وئېلي دي مونږ لپاره تر ټولو مقدس سركار دوعالم(ص)دے ٬زمونږ په موجودګۍ كښې د اسمبلۍ څخه كوم قانون خو لرې خبره ده د دين په ضد يو لفظ هم نشي منظورېدے۔هغه د ګل په ورځ په پي اېن سي اے كښې د مذهبي چارو وزارت د سيوري لاندې د عشره رحمت اللعالمين(ص)په لړ كښې د نعتونو محفل ته خطاب كولو۔په دې موقع د مذهبي چارو وفاقي وزير پير نورالحق قادري٬وزيرمملكت علي محمد خان پشمول د پارليمان غړي او نور مشران موجود وو۔سپيكر دستورې ته ووئيل د دې نه وړاندې تر پنځو كلونو زمونږ په خېبرپښتونخوا كښې حكومت پاتې شوے خو مونږ هغه وخت هېڅ تجربه نه لرله ٬ خو زمونږ خواهش ؤ چې مونږ د اسلام لپاره څه وكړو ځكه مونږ هلته په پرائيوېټ كاروبار كښې د سود لين دين په ضد بل منظور كړو كوم به چې د قامي اسمبلۍ څخه هم منظورولې شي او د حضور محمد صلی الله عليه وآله وسلم سيرت په نصاب كښې شامل كړے شو ۔ ده ووئېل مونږ تر لسم پورې ناظره او تر دولسمه د قرآن مجيد ترجمعه تعليم سره لازمي ګرځولې۔په قامي اسمبلۍ كښې د تلاوت نه پس د حديث مبارك بيانولو آغاز شوے ۔ده ووئيل زما د عمران خان سره د 25 كلونو نه ملګرتيا ده ٬ هغه يو رېښتونے عاشق رسول دے
