اسلام آباد 14اکتوبر(اے پی پی)د قامي اسمبلۍ سپيكر اسد قيصر ډاكټر عبدالقدير خان٬د قامي اسمبلۍ غړي پروېز ملك او د اداكار عمر شريف خذمات ته پیرزوئنې وړاندې كولو سره وئيلي دي ډاكټر عبدالقدير خان نه يوازې محسن پاكستان بلكې محافظ ملت اسلاميه ؤ ۔د زيارت په ورځ په قامي اسمبلۍ كښې ده ووئيل هغه ډېر په خفګان اعلان كوي چې د قامي اسمبلۍ غړے پروېز ملك او نامتو اتومي سائنسمدار ډاكټر عبدالقدير خان په حق رسېدلے۔ده ووئيل د پاكستان دفاع د ناقابل تسخير كونكي ډاكټر عبدالقدير خان خذمات به قام تل ياد ساتي۔هغه په 1936 كښې په بهاؤ پال كښې پېدا شوے ؤ او په هجرت كولو پاكستان ته راغلے ؤ ۔هغه د ذوالفقار علي بهټو په بلنه په بهر هېواد كښې ملازمت پرېښودے ؤ او پاكستان ته راغلے ؤ ٬ د ډاكټر قدير په وجه پاكستان اتومي قوت جوړ شوے۔ ده ووئېل د هغه په وجه د پاكستان دفاع ناقابل تسخير شوه۔زه د خپل ځان او د دې ايوان لخوا د هغه په مړينه ټول قام سره غمرازي كوم۔ده ووئيل اداكار عمر شريف يو لويې كردار ؤ هغه ته هم پېرزوئنې وړاندې كوو۔په دې موقع مولانا عبدالاكبر چترالي د ح قرسېدليو لپاره اجتماعي دعا وكړه۔
