اسلام آباد 18 ستمبر (اے پي پي) وزيراعظم عمران خان وئيلي دي چې په افغانستان كښې جامع حكومت جوړولو لپاره ده طالبانو سره مذاكرات پېل كړي دي، جامع حكومت به د سوله ايز او مستحكم افغانستان ضامن وي كوم چې يوازې د افغانستان نه بلكې د منطقې په ګټه هم دے. ده دا خبرې د خالي په ورځ په ټويټر په خپلو ټويټونو كښې وكړې. وزيراعظم ووئيل چې په دوشنبه كښې د افغانستان ګاونډي هېوادونو مشرانو سره په ملاقاتونو او په خاص توګه د تاجكستان صدر امام علي رحمانوف سره د اوږدو خبرو نه پس ده د يو ټول شموله حكومت په خاطر په افغان حكومت كښې د تاجك، هزاره او ازبك ټولنې ګډون لپاره طالبانو سره مذاكرات پېل كړي دي. وزيراعظم ووئيل چې د 40 كلونو جګړې نه پس ﴿ د دې ډلو په اقتدار كښې﴾ ګډون به د سوله ايز او مستحكم افغانستان ضامن وي كوم چې يوازې د افغانستان نه بلكې د منطقې په ګټه هم دے.
