اسلام آباد 12جون (اے پي پي)د خزانې او محصولاتو وفاقي وزير شوكت ترين وئېلي دي چې د نوي مالي كال په بجټ كښې د محصولاتو او نورو څانګو لپاره ټاكلې شوي اهداف به ترلاسه كولې شي٬كوم يو مني بجټ به نه وي٬اولس ته رېليف وركولو لپاره به د ټريكل داؤن انتظار نه كوو٬د سروے په بنياد به د 40 لكه كورنيو آمدن زيات شي٬د استحكام عمل پائيدار جوړول او پرمختګ كول دي٬په ټېليفونز كالز او انټرنېټ كوم ټېكس نه دې لګولې شوې٬وزيراعظم عمران خان د انساني وسيلو پرمختګ لپاره محنت كوي۔د پي او اېس بار كوډز په بنياد به هره مياشت د 25 كروړه روپو انعامات وركولې شي۔د خالي په ورځ د منصوبه بندۍ٬پرمختګ او اصلاحاتو په وزارت كښې د صنعت او پېداوار وفاقي وزير مخدوم خسرو بختيار٬د تجارت او سرمايه كارۍ صلاحكار عبدالرزاق داؤد٬د محصولاتو خاص مرستيال ډاكتر وقار مسعود٬د خاص مرستيالې ډاكټر ثانيه نشتر د خزانې سېكرټړي او د اېف بي آر چيئرمېن سره يوځاې شريك پوسټ بجټ خبري كنفرنس ته په خپله وېنا كښې د خزانې وفاقي وزير شوكت ترين ووئيل چې حكومت عزم لري چې اولس رېليف لپاره د ټريكل ډاؤن د تصور انتظار ونه كړي۔په تېرو 74 كلونو كښې اولس كورونو او كورندګرو فصلونو لپاره قرضونه نه دي ترلاسه كړي٬حكومت په دې موده كښې په دې كار كوي۔د بانك څانګه په كار راوستلې شي۔ده ووئيل چې كمرشل بانكونه دا نه شي كولې٬دې لپاره مونږ حكمت عملي جوړوو٬د بنګه دېش پشمول يو شمېر هېوادونو د وړوكو قرضو تجربات كړې دي٬په پاكستان كښې د اېن آئي آر اېس پي او د اخوت پشان ادارې دې اخوت د 250 ارب روپو قرض وركړې دې او د واپسۍ شرح يې 98 فيصد ته نزدې ده۔ده ووئيل چې د خلكو آمدن زياتولو لپاره حكومت چې كومه حكمت عملي جوړه كړې پھ دې كښې به احساس پروګرام سره سره 40 لكه كورنۍ د سروے په بنياد منتخب كولې شي۔كروندګرو ته به د يو فصل يو نيم لك روپۍ قرض وركولې شي٬په شهري سيمو كښې به كاروبار لپاره پنځه پنځه لكه روپو پورې قرض وركولې شي كوم به چې دريو كلونو لپاره وي او په دې به سود نه وي۔د دې نه علاوه كورونو لپاره به په شهري سيمو كښې تر 20 لكه روپۍ او په كلي والو سيمو كښې د چائنه تر 8 لك روپۍ قرض وركولې شي۔د خزانې وزير ووئيل چې حكومت په هېلت انشورنس هم كار كوي٬وزيراعظم په خېبرپښتونخوا كښې صحت كارډ پېل كړې و اوس د دې دائره ټول هېواد ته رسولې شي۔صحت كارډ په اصل كښې هېلت انشورنس دې۔ده ووئيل چې غربت ختمولو او د كم آمدن كورنيو د آمدن زياتولو حكمت عملۍ له مخې به د هرې يوې كورنۍ يو غړي ته هنر ښودلې شي۔د هنر ښودلو عمل به د هرې يوې سيمې د رجحان له مخې وي۔ده ووئيل چې د سركاري څانګې پرمختيائي بجټ زيات كړې شوې۔كركيلې او صنعت لپاره مراعات وركړی شوي دي٬حكومت د اقتصادي مشاورتي كونسل له مخې د 12 څانګو ټاكنه كړی چې پكښې ټول پام پائيدار او جامع پرمختګ ته شوې٬زمونږ هڅه ده چې مونږ زيات نه زيات ډالر وګټو٬دې مقصد لپاره په برآمداتو كښې د اضافې حكمت عملي خپله كړې شوې۔ده ووئيل چې په دېې وخت كښې د جي ډي پي په شرح زمونږ برآمدات 8 فيصده دي كوم چې ډېر كم دي٬مونږ ته دا په 8 لس كاله كښې د جي ډي پي 20 فيصد كچې ته رسولې دي۔نن كه د جي ډي پي په شرح زمونږ برآمدات 20 فيصده و نو زمونږ برآمدي بل به د 60 اربه ډالرو وو۔برآمدات زياتولو لپاره به سيونګ رېټ زياتول وي۔په دې وخت كښې سيونګ او انويسټمنټ رېت 16 فيصده دې٬د خزانې وزير شوكت ترين ووئيل چې د پرمختګ په لار كښې يو بل خنډ د مناسب ريونيو كمي ده۔ريونيو به هم د جي ډي پي 20 فيصده كچې ته راوستل وي۔مالي كال 2021 لپاره به د محصولاتو اهداف ترلاسه كړې شي٬نوې مالي كال لپاره د 5.8 ټرېلين هدف ټاكلې شوې۔ده ووئيل چې د كركيلې څانكې ته وده وركول زمونږ په ترجيحاتو كښې شامل دي۔پاكستان به په تېر وخت كښې غذائي څيزونه نورو هېوادونو ته لېږل خو اوس مونږ غنم٬دالونه٬چيني او غوړي د نورو هېوادونو نه راوړو۔حكومت كروندګرو ته مراعات وركوي او دې سره سره برآمداتو ته هم پام كولې شي۔ده ووئيل چې په خاص اقتصادي ځايونو كښې د ټرن آوور ټېكس پشمول يو شمېر ټېكسونه ختم كړې شوي دي۔د آئي ټي څانګه هم د حكومت په ترجيحاتو كښې شامله ده٬حكومت د آئي ټي په څانكه كښې برامدات 100 فيصده زياتولو لپاره هڅې كوي۔ده ووئيل چې وزيراعظم عمران خان د كورونو په څانكه په رېښتنې معنی كار كړې او اول به بانكونو دې څانګې لپاره قرضونه نه وركول۔وزيراعظم دلچسپي واخسته په قوانينو كښې تراميم وكړې شول٬د مارك اپ شرح كمه كړې شوه او دې سره په دې څانګه كښې ځانګړې بهتري راغلې٬د كورونو څانګې سره د 40 نه تر 42 پورې صنعتونه تړون لري۔د خزانې وزير ووئيل چې حكومت د برېښنا څانګې بهترۍ لپاره هڅې كوي۔دا څانګه فعاله كولې شي٬په ډيسكوز كښې بهتري راوستلې شي٬لائن لاسسز كمولو لپاره اقدامات كولې شي۔حكومت به په غريبانو خلكو په ټېرف كښې اضافه نه كوي بلكې د دې په ځاې به دوي ته تحفظ وركولې شي۔وزيراعظم عمران خان په دې لړ كښې ډېر واضحه ده٬د خزانې وزير ووئيل چې د مالياتي څانګې بهتري زمونږ هدف دې٬په برآمداتو كښې اضافه كولې شي۔په ګاډو په صنعت كښې آسانې او ترغيبات وركولې كېږي٬د يوې پوښتنې په ځواب كښې د خزانې وزير ووئيل چې په موبائل فون د درې دقيقې په كال د انټرنېټ په يو جي بي د پنځه روپۍ اېف اي ډي تجويز كابينې ته وړل شوې و خو وزيراعظم او كابينې د دې مخالفت كړې و ځكه په دې به نوې ټېكسونه نه لګولې كېږي۔ده ووئيل چې د تنخا او پنشن په نظام كښې بهتري راوستلې شي۔ډاكټر عشرت حسېن په دې لړ كښې كار كوي٬زمونږ هڅه ده چې كوم ملازمين محنت كوي دوي ته د دوي د محنت له مخې معاوضه ترلاسه شي٬مونږ حكومتي يا سركاري ملازمت د خوښې ملازمت جوړول غواړو٬پنشن نه يوازې سركاري بلكې نجي څانګې لپاره هم يوه مسئله ده٬په پاكستان كښې تراوسه د پنشن په اړه كوم اصلاحات نه دي شوي٬ما وزيراعظم ته وئېلي دي چې زه ذمه واري اخلم٬دا نظام عملي او د قبلولو وړ جوړول دي۔د دريو نه تر شپږو مياشتو په موده كښې به لويې اصلاحات راوړل شي٬سږ كال په تنخاګانو كښې لس فيصده اضافه شوې٬د خزانې وزير واضحه كړه چې د بجټ اهداف به ترلاسه كړې شي او كوم مني بجټ به نه شي وړاندې كولې۔د خزانې وزير ووئيل چې پاكستان د آئي اېم اېف په پروګرام كاربن دے٬مونږ د پروګرام څخه نه يو وتلې٬د پاكستان او آئي اېم اېف ترمينځه د خبرو عمل روان دې۔تر ستمبر به د شپږمې جائزې ترسره كولو هڅه كولې شي۔ده ووئيل چې سعودي عرب سره په مؤخر ادائيګۍ د تېلو په اړه اتفاق شوې۔په ايران د بندېزونو ختمېدو په صورت كښې مونږ هيله لرو چې په نړيواله كچه به د تېلو بيعې ټېتې شي۔د خزانې وزير ووئيل چې د احساس پروګرام په بجټ كښې اضافه شوې۔حكومت د لاندې نه بره په طرف د پرمختګ په حكمت عملۍ عمل كوي٬د دې حكمت عملۍ له مخې به د سود نه پاكې قرضې وركولې شي۔وزيراعظم عمران خان به روانه مياشت د كامياب پاكستان پروګرام پرانسته كوي٬په ابتدائي توګه زمونږ هدف د څلور ملين كورنيو آمدن زياتول دي۔ده ووئيل چې د يوټېټلي سټورز په شمېره كښې به اضافه كولې شي۔ده ووئيل چې هيله ده د تېلو بيعې به كمې شي۔د ټريك او ټرېس په نظام به په دې اونۍ كښې كار پېل كړې شي۔ده ووئيل چې د تعليم او روغتيا څانګې د حكومت په ترجيحاتو كښې شامل دي خو دا دواړه څانګې صوبائي چارې دي دې ځله صوبو ته 700 ارب روپۍ وركولې كېږي٬هيله ده چې صوبې به د روغتيا او تعليم په اړه غوره منصوبه بندي وكړي۔ده ووئيل چې وزيراعظم عمران خان د انساني وسيلو پرمختګ لپاره هڅې كوي ځكه چې زمونږ د آبادۍ يوه لويه برخه د ځوانانو ده او د دې د استعداد څخه استفاده نه شوې
