په يمن كښې د تېلو په پائپ لائن د اور لګېدو له امله تېل جمع كوونكي 30 يمني وګړي سوځېدو سره مړه او 50 نور ژوبل شوي دي

دبئي 09 اپرېل (اے پي پي) په يمن كښې د تېلو په پائپ لائن د اور لګېدو له امله تېل جمع كوونكي 30 يمني وګړي سوځېدو سره مړه او 50 نور ژوبل شوي دي۔ د عرب ټي وي له مخې دا پېښه په شمالي الحديده سيمه كښې د التربه په ځائ كښې رامېنځ ته شوې۔ د چارواكو له مخې په دې پېښه كښې 20 كسان په ټكي مړه شوي دي او نورو 10 په روغتون كښې ساه وركړې۔ په پېښه كښې 20 ګاډي او 8 موټرسائيكلې هم سوځېدو سره ايره شوې دي۔