په برازيل كښې د كورونا وائرس په وبا كښې د مړو كسانو شمېره 176628 ته ورسېده

برازيليا 06 دسمبر(اے پي پي) په برازيل كښې د تېرو 24 ساعتونو په مهال د كورونا وائرس په نتيجه كښې نور 664 كسان مړه شوي دي او دې سره په دې هېواد كښې د كورونا په وبا كښې د مړو كسانو شمېره 176628 ته رسېدلې.د چينائي مېډيا له مخې د برازيل د روغتيا وزارت چارواكو وئيلي دي چې په هېواد كښې د كورونا وائرس نور 43209 كسېونه رپورټ شوي دي او د ځپليو ټوله شمېره 6577177 ته رسېدلې. په كورونا وبا كښې د مرګونو په لحاظ امريكا او اول، برازيل په دوهم او هند په دريم نمبر زيات ځپل شوے هېواد دے.