اسلام آباد 24 اګست (اے پي پي) وزيراعظم محمد نوازشريف وئېلي دي چې بلوچستان زما زړه ته ډېر نزدے دے٬ د پوځي او سوېلين امنيتي ځواكونو او د صوبې د امن خوښونكو خلكو په ډېرو قربانو په بلوچستان كښې امن بحال شوے٬ مونږ به د امن او پرمختګ دښمنانو ته په صوبه كښې د پرمختګ په عمل كښې د خنډانو رامخې ته كولو اجازه ورنه كړو۔ ده دا خبرې د بلوچستان وزيراعلٰی ثناﺀ الله زهري سره د شورو په ورځ په وزيراعظم هاؤس كښې په خبرو كښې وكړې۔ وزيراعلٰی وزيراعظم په صوبه كښې د سلامتيا مجموعي صورتحال او په خاص توګه د كوئټې بريد څخه وروستو د وګړو امن او سلامتيا باوري كولو لپاره د صوبائي حكومت لخوا د پورته كړې شويو ګامونو په اړه خبر كړو۔ ده وزيراعظم ته د بلوچستان په بېلا بېلو برخو كښې د روانو پرمختيائي پروژو او د خېر ښېګړې سكيمونو په اړه هم ووئيل۔ وزيراعظم نواز شريف ووئيل چې وفاقي حكومت د بلوچستان د اولس ښه ژوند لپاره په صوبه كښې د بنيادي ډهانچې پرمختګ او د خېر ښېګړی پروژې د مخ په وړاندې بوتللو عزم لرو۔ ده ووئيل چې بلوچستان ته به د پاك چين اقتصادي راهدارۍ تر ټولو زياتې ګټې ورسي
