اسلام آباد۔3جولائی(اے پی پی) د وزيراعظم شهباز شريف په پاكستان اسټاك اېكس چېنج كښې د 2 زره 231 پوائنټس غېر معمولي اضافې سره د كاروبار په پېل كېدو قام او كارورباري ورورلۍ ته مباركي وركولو سره وئيلي دي زمونږ د پرله پسې خوارۍ او سمو پالېسيو په نتيجه كښې د معاشي بحالۍ آثار رامخې ته كېدل پېل شوي دي، د پاك پروردګار په فضل هېواد يو وارې بيا د پرمختګ په لاره روان شوے دے۔ د ګل په ورځ د وزيراعظم آفس ميډيا ونګ لخوا د جاري شوي بيان له مخې وزیراعظم ووئيل لارښود نوازشریف چې د معاشي پرمختګ ٬ په ګرانۍ كښې د كمي او د پاكستان د تعمير او ترقۍ سفر كوم ځايې كښې پرېښودلې وو هغې ځايې څخه يو وارې بيا پېل كېږي۔ د سختې مايوسۍ څخه وروستو د اميد لمر راپورته كېږي٬ اولس ته دې مبارك وي۔ آئی اېم اېف سره د سټاف لېول لوظنامې او د 3 اربه ډالرو سټېنډ بائي ارېنجمنټ سره د سرمايه كارو او كاروباري ورورولۍ باور په تندۍ سره بحالېږي۔ پاك پروردګار دې وكړي چې د پاكستان د پرمختګ سفر دغسې روان پاتې شي۔ ده ووئيل د لارښود نواز شريف د تعمير ٬ پرمختګ او اولس سوكالۍ وژن يو وارې بيا عملي كېږي۔ لكه څنګه چې د كال 2013 او كال 2018 ترمينځه هغه پاكستان د توان ستونزې او د ترهګرۍ په څير نورو مسئلو څخه خلاص كړې وو ٬ معاشي پرمختګ شوے وو ٬ دغسې يو وارې بيا هم دغه جذبې سره پاكستان د پرمختګ په لاره روانوؤ۔ د قامي پرمختګ او معاشي استحكام سفر به هم په دغه لوري او هم دغې جذبې سره روان ساتل وي۔ لكه څنګه چې د نواز شريف په مشرۍ كښې سی پېک پېل شو ٬ معيشت بحال شو ٬ ګراني 4 فيصده او د خوراك څښاك څيزونو شرح 2 فيصده ته راوستلې شوې وه ٬ د پرمختګ شرح 6.1 فیصده او پالېسي رېټ 6 نيم فيصده ته رسېدلې وو٬ يو وارې بيا د پرمختګ دغې سفر پلو روان يؤ۔
ده ووئيل كه پاك پرودرګار ته منظور وي اوس به د كركيلې ٬ آئي ټي او صنعت په شمول ټولو څانګو كښې د پرمختګ سفر ګړندې وي۔ يو وارې بيا به اولس ګرانۍ څخه خلاص كړؤ٬ ځوانانو ته به د روزګار ٬ كاروبار او په معاشي توګه په خپلو پښو د اودرېدو موقعې وركړؤ
