اسلام آباد 27 اپرېل (اے پي پي) وزيراعظم محمد شهباز شريف قامي اسمبلۍ څخه د اعتماد ووټ ترلاسه كړو٬ د قامي اسمبلۍ 180 غړو په وزيراعظم د اعتماد څرګندونه وكړه۔ د زيارت په ورځ د قامي اسمبلۍ غونډه د سپيكر راجه پروېز اشرف په مشرۍ كښې پېل شوه٬ د غونډې په پېل كښې خارجه وزير بلاول بھټو زرداري ووئيل ګرد هېواد كښې د پارلمان پحقله سوالونه پورته كېږي٬ مونږ ټولې نړۍ ته وئيل غواړو چې پارلمان آئين، جمهوريت او د اعلیٰ عدليې په څلورو كښې درې اكثريتي بېنچ سره ولاړ دے۔بلاول بھټو زرداري قرارداد وړاندے كړو چې د پاکستان قامي اسمبلي په وزيراعظم شهباز شريف د بشپړه اعتماد څرګندونه كوي٬ سپيکر راجه پروېز اشرف قرارداد د رائيو شمېري لپاره ايوان ته وړاندې كړو او 180 غړو پخپلو چوكو ودرېدو سره په وزيراعظم شهباز شريف د خپل اعتماد څرګندونه وكړه او دغسې دا قرارداد قامي اسمبلۍ څخه منظور كړے شو۔ په دې موقع سپيكر ووئيل كه د مذهبي چارو وفاقي وزير مفتي عبدالشکور ژوندې وے نو نن به د غړو شمېره 181 وه۔ د يادونې وړ ده چې د وزيراعظم په چوكۍ پاتې كېدو لپاره د 172 غړو اعتماد لازمي دے
