اسلام آباد۔3اپرېل(اے پی پی) سېنېټ په متفقه توګه يو قرارداد منظور كړے دے په كوم كښې چې وئيلې شوي دي چې دا ايوان هېواد څخه رباﺀ ختمولو لپاره د وفاقي شرعي عدالت پرېكړه تسليموي٬ ایوان د وفاقی شرعی عدالت د پرېكړې په ضد د سټېټ بېنک آف پاکستان او نیشنل بېنک د اپيلونو بېرته اخستو حكومتي پرېكړې ستائنه هم كوي۔ د ګل په ورځ د سېنېټ په غونډه كښې سېنېټر مشتاق احمد په دې اړه قرارداد ايوان ته وړاندے كړو۔ قرارداد كښې وئيلې شوي چې دا ايوان د دستور اسلام جمهوریه پاکستان آرټیکل 38(و) يادوي كوم چې د ربا زر تر زره د ختمولو تقاضا كوي او په دې اندېښنه ښكاره كوي چې په 75 كلونو كښې هم هېواد څخه د سود لعنت ختم نه كړے شو۔ ایوان هېواد څخه د رباﺀ ختمولو لپاره د وفاقي شرعي عدالت پرېكړه تسليموي ٬ ایوان د وفاقی شرعی عدالت د پرېكړې په ضد د سټېټ بېنک آف پاکستان او نیشنل بېنک د اپيلونو بېرته اخستو حكومتي پرېكړې ستائنه هم كوي۔ ايوان غوښتنه كوي چې په هېواد كښې سود (رباﺀ) څخه پاك معاشي او مالي نظام تشكيلولو له دې د پاكستان حكومت په سمدستي توګه اړوند اقدامات وكړي۔ ايوان په متفقه توګه د قرارداد منظوري وركړه۔
