د سوريې او عراق څخه د دوه نيم سوو نه زيات جهاديان فرانس ته راستانه شوي دي۔ د فرانس د كورنيو چارو وزير

پېرس 06 اګست (اے پي پي) د فرانس د كورنيو چارو وزير ګېراډ كولمب وئيلي دي چې د سوريې او عراق څخه د دوه نيم سوو نه زيات جهاديان فرانس ته راستانه شوي دي۔ په يوه مركه كښې د فرانس د كورنيو چارو وزير ووئيل چې په سوريه او عراق كښې داعش سره په ګډه جنګېدونكي 270 جهاديان فرانس ته راستانه شوي دي۔ په دې كښې 217 كسان بالغ او 54 نابالغ دي كوم چې في الحال په حراست كښې دي۔ ده ووئيل چې لا داسې شمېرې نه دي راټولې كړې شوې چې څومره فرانسوي جهاديان په عراق او سوريه كښې وژل شوي دي۔