اسلام آباد 02 جولائي (اے پي پي) د اطلاعاتو او خپرونو وفاقي وزيرې مريم اورنګزېب وئيلي دي چې د وزيراعظم د وژن له مخې تر ګرين پاور د عامې رسنې عمل اسانولو لپاره عملي اقدامات پېل كړې شوي دي او په دې لړ كښې د شمسي توان په پروژو كار پېل كړے شوے. هغې دا خبرې د خالي په ورځ د مسلم ليګ ن لارښود او د ټاسك فورس كمېټې كنوينئر شاهد خاقان عباسي په مشرې كښې د سولر انرجي په اړه د قام ټاسك فورس په مهمه غونډه كښې د ګډون كولو نه پس وكړې. په غونډه كښې د ټاسك فورس نورو غړو هم ګډون وكړو. د اطلاعاتو وفاقي وزيرې ووئيل چې ټاسك فورس كمېټې سولر انرجي زياتولو لپاره د بېلا بېلو اقداماتو جاج اخستې. په غونډه كښې سركاري ودانې په سولر انرجي د منتقل كولو پرېكړه شوې. هغې ووئيل چې په كومو سيمو كښې په برېښنا سبسډي وركولې شي، هلته د سولر پلانټس لګولو پرېكړه شوې. هغې ووئيل چې ټاسك فورس به خپل سپارښتونه مرتب كولو سره وزيراعظم شهباز شريف ته وړاندې كوي.
