اسلام آباد 18 جون (اے پي پي) صدر مملكت ډاكټر عارف علوي وئيلي دي چې ګلګت بلتستان په هر لحاظ د پاكستان يوه زرخېزه منطقه ده، په ګلګت بلتستان كښې د سېلګرې پراخا موقعې دي، بايد د دې زر پرمختګ لپاره لا اقدامات وكړل شي. د ايوان صدر د مېډيا ونګ لخوا جاري شوي بيان له مخې د ګلګت بلتستان اسمبلۍ غړو سره د ملاقات په مهال په خپلو خبرو كښې صدر مملكت ووئيل چې د ښه حكومت دا پېژندګلي وي چې هغه د پرمختګ په سفر كښې په تندې سره مخ په وړاندې ځي. ډاكټر عارف علوي ووئيل چې زه د پاكستان پرمختګ په اړه هيله من يم، د كورونا وائرس وبا په مهال مونږ د نړۍ د يو شمېر هېوادونو نه زيات پرمختګ كړے، مونږ په هر لحاظ د پرمختګ صلاحيت لرو او د هېواد سباٶن روښانه دے. صدر مملكت ووئيل چې په ګلګت بلتستان كښې په سېلګرې او نوو څانګو كښې د وسيلو په مقابله كښې د هنر مند كسانو كمې دے ځكه دا وسيلې په ښه ډول په كار رواستلو لپاره به د زياتو هنر مند كسانو ضرورت وي. ده ووئيل چې د بلتستان پوهنتون د وائس چانسلر په چوكۍ به د قابل، اهل او موزون شخصيت ټاكنه كولې شي. ده ووئيل چې د لوړو زده كړو ودې لپاره به د ګلګت بلتستان په نورو ضعلو كښې هم د قراقرم او بلتستان پوهنتون كمېپس جوړولې شي. د ملاقات په مهال د ګلګت بلتستان وزيراعلٰی او د ګلګت بلتستان اسمبلۍ د حكومت او اپوزيشن غړي هم موجود وو.
