اسلام آباد 14 مارچ (اے پي پي) خارجه وزير مخدوم شاه محمود قريشي د ملګرو ملتونو عمومي سېكرټري انتونيو ګوترېس سره په ټيليفون تماس نيولے او ورسره ئې په اوسنيو سيمه ايزو او نړيوالو چارو خبرې كړي. خارجه وزير د سېكرټري جنرل د هند لخوا تش د نوم د حادثاتي مېزائل فائر كېدو په اړه بريف كړو. د هند د ستراتېژيكي وسلو په انتظام كښې سنګينه كوتاهې او تكنيكي خامې په ګوته كولو سره خارجه وزير د دې پېښې د شريكو پلټنو په غوښتنه زور راوړو. د خارجه دفتر وياند له مخې د خارجه وزير او د ملګرو ملتونو د عمومي سېكرټري ترمېنځه په سيمه ايز او نړيوال صورتحال خبرې شوي. خارجه وزير هغه د مارچ په 9مه نېټه كال 2022م د هند لخوا د تش د نوم د حادثاتي مېزائل فائر كېدو په اړه بريف كړو كوم چې د پاكستان په حدود كښې پرېوتے ؤ. خارجه وزير ووئيل دا د پاكستان د فضائي حدود څرګنده خلاف ورزي ده او د هوابازې تحفظ سره سره سيمه ايز امن او استحكام لپاره د هند د غفلت عكاسي ده. خارجه وزير ووئيل پاكستان به صبر او زغم سره د ذمه وارې كار روان ساتي.دغس ې د هند د ستراتېژيكي وسلو په انتظام كښې سنګينه كوتاهې او تكنيكي خامې په ګوته كولو سره خارجه وزير د دې پېښې د شريكو پلټنو په غوښتنه زور راوړو. خارجه وزير هغه په يوكرېن كښې د روانې شخړې په اړه د پاكستان د نظر، په پرمختګ كوونكو هېوادونو د دې د مفني اقتصادي اغېز، د مذاكرات او سفارت كارې د لارې د دې مسئلې د حل ملاتړ كښې د پاكستان د هڅو نه خبر كړو. ده ووئيل وزيراعظم عمران خان تل وئيلي دي په نړۍ كښې د شخړو زيات منفي آغېز په پرمختګ كوونكو هېوادونو كېږي. د ملګرو ملتونو مشر خارجه وزير د يوكرېن صورتحال له امله په نړۍ كښې د ګرانې مخ نيوي لپاره د ملګرو ملتونو د اقدامات نه خبر كړو. خارجه وزير په دې لړ كښې د عمومي سېكرټري هڅې وستائيلې او په دې اړه ئې د پاكستان لخوا د بشپړ ملاتړ او مرستې باور وركړو.
