حېدر آباد 05 مارچ (اے پي پي) د پاكستان تحريك انصاف سينئر وائس چيئرمېن او خارجه وزير شاه محمود قريشي وئيلي دي چې د سندھ د اولس حالات نه دي بدل شوي، تر څو چې د دې ځائ اوسېدونكي ونه غواړي څوك د بهر نه راتللو سره حالات نه شي بدلولې، د سندھ په افق د يو نوي بدلون وريځې راغلې دي، يو نوې سياسي سېلاب په نظر راځي، وزيراعظم به ډېر زر په حېدر آباد كښې د سندھ اولس ته د حېدر آباد نه تر سكهر د موټروے ډالې وركړي، خلقو 15 كاله پيپلز ګوند ازمائيلې، يوه موقع دې پي ټي آئي او عمران خان ته هم وركړې شي. ده دا خبرې د سندھ حقوق مارچ په لړ كښې په ټنډو جام كښې لوئې غونډې ته په خپله وېنا كښې وكړې. ده ووئيل چې كه د سندھ اولس حالات بدلول غواړي نو د دې عزم به كول وي. بدلون به هغه وخت راشي چې كله ئې خلق پرېكړه وكړي. ده ووئيل چې كه خلق تحريك انصاف ته موقع وركړي نو هغه وخت به بدلون راځي. شاه محمود قريشي ووئيل چې زما 36 كاله سياسي تجربه وائي چې د سندھ په افق د يو نوي بدلون وريځې راغلې دي، يو نوې سياسي سېلاب په نظر راځي، زه نه يوازې د رحمت د باران په انتظار يم بلكې دې لپاره دعا هم كوم. ده ووئيل چې كه د سندھ اولس ته د دوي پوره حق وركول كېدو نو نن به د دې حقوق مارچ ضرورت نه و. ده ووئيل چې وزيراعظم د حېدر آباد خلقو ته د صحت كارډونه وركول غواړي خو د سندھ حكومت پكښې خنډ جوړ شوے كه د سندھ حكومت دا خنډ لرې كړي نو عمران خان اعلان ته تيار دے. ده ووئيل چې عمران خان به ډېر زر حېدر آباد ته راشي.
