اسلام آباد 27 ستمبر (اے پي پي)وزيراعظم عمران خان وئېلي دي چې بايد په افغانستان كښې د جنګ د نتيجو تور په پاكستان ونه لګولې شي٬اوس بايد مونږ د تورونو لګولو رويه پرېښودلو سره د افغانستان د سباؤن په پلو وګورو٬٬درست اقدام دا دے چې امن او استحكام لپاره د افغانستان نوې حكومت سره مرسته وكړې شي۔د طالبانو حكومت او د نړيوالې ټولنې ترمينځه رابطه به ټولو لپاره مثبتې نتيجې باوري كړي۔ده دا خبرې د ګل په ورځ د امريكې په نامتو ورځپاڼه واشنګټن پوسټ كښې په خپل يو مضمون كښې كړې دي۔وزيراعظم ليكلې دي چې دامريكې كانګرېس ته په بريفنګ كښې د امريكې زيان لپاره په پاكستان د تورونو لګولو په بيانونو اورېدو حيران شوې يم٬د ترهه ګرۍ په ضد جنګ كښې د امريكې د اتحادي په حېث د پاكستان د قربانيو كوم ذكر نه دې شوې٬د كال 2001 نه مې څو ځله خبردارې وركړې چې د افغانستان جنګ نشي ګټل كېدې۔ده ووئيل چې په تېر وخت كښې د پاكستان حكومتونو به قانوني حېثيت ترلاسه كولو لپاره امريكا د افغانستان په معامله خوشحالوله۔ده ووئيل چې د نائن اليون نه پس د تېر وخت مجاهدين ترهه ګر وګرځول شول۔د ترهه ګرۍ په ضد جنګ د ملاتړ له امله عسكريت خوښو ډلو د پاكستان په ضد د جنګ اعلان وكړو۔وزيراعظم ووئيل چې مونږ د خپلې بقا جنګ وكړو او د خپل غوره پوځ او انټلي جنس نظام په بنا مو ترهه ګرۍ ته ماتې وركړل٬د نائن اليون نه پس پرله پسې د افغانستان حكومتونو د افغان اولس په نظر كښې خپل مقام پېدا نه كړی شو۔وزيراعظم ووئيل چې آيا د درې لكه افغان امنيتي ځواكونو پھ مكمل توګه د وسلې غورځولو تور په پاكستان لګولې كېدې شي؟د دې حقيقت قبلولو په ځاې د افغان او لوېديز حكومتونو او په هند كښې په جوړیدونكو جعلي خبرونو كښې په پاكستان تورنه لګولې كېږي۔ده ووئيل چې پاكستان سره د بې بنسټه تورنو لګولو په پوله بائيو مېټرك كنټرول او د پولې د شريكې څارنې وړاندېز كړې۔وزيراعظم ووئيل چې مونږ په خپلو مالياتي وسيلو افغانستان سره په خپله پوله آزغن تار لګولې۔ده ووئيل چې اوس بايد مونږ د تورونو لګولو رويه ترك كولو سره د افغانستان د سباؤن په پلو وګورو۔ده ووئيل چې كه مونږ درست اقدام وكړو نو د ترهه ګرۍ څخه پاك او د خوشحال افغانستان مقاصد به ترلاسه كړو خو كه مونږ د تېر وخت پشان كړې غلطۍ يوځل بيا وكړې نو اړې ګړې او د كډوالو سېلاب سره سره به په ترهه ګرۍ كښې اضافه وشي او ټول فريق به وځپلې شي
