نيويارك 21 ستمبر (اے پي پي) خارجه وزير شاه محمود قريشي په پنځه ورځنې دوره نيويارك ته ورسېد. په جان اېف كېنډي هوائي اډه په ملګرو ملتونو كښې د پاكستان دائمي استازي منير اكرم، په امريكا كښې د پاكستان سفير اسد مجيد او د پاكستاني سفارت اعلٰی چارواكو د خارجه وزير هركلې وكړو. وزيراعظم عمران خان به د ملګرو ملتونو د عمومي اسمبلۍ 76مې غونډې ته وېډيوئي وېنا كوي. ، خارجه وزير به د عمومي اسمبلۍ په 76مه غونډه كښې د ګډون په موقع د بېلا بېلو هېوادونو خارجه وزيرانو او د ملګرو ملتونو قيادت سره ملاقاتونه كوي. خارجه وزير به د كونسل آن فارن ريلېشنز په دستوره كښې وېنا كوي. د وزيراعظم عمران خان لخوا د ملګرو ملتونو د عمومي اسمبلۍ 76مې غونډې ته پاليسي وېنا او د خارجه وزير لخوا د نيويارك دورې سره د پاكستان نړيوالو شراكتدارو او نړيوالو ادارو سره د سفارتي روابطو د ودې عكاسي كوي. خارجه وزير مخدوم شاه محمود قريشي په نيويارك كښې پاكستان هاٶس ته لاړو چرته چې په ملګرو ملتونو كښې د پاكستان دائمي استازي منير اكرم او سفارتي عملې د خارجه وزير هركلې وكړو. خارجه وزير د مېلمنو په كتاب كښې خپل تاثرات وليكل
