بنګله دېش ٬ د مسافرو بېړۍ بوري ګنګا كښې د ډوبېدو پېښه ٬ 23 كسان مړه

ډھاکه ۔ 29 جون (اے پی پی) د بنګله دېش پلازمينې ډھاكه بوری ګنګا درياب كښې د مسافرو بېړۍ ډوبېدو پېښې په نتيجه كښې 23 كسان مړه شوي دي۔ د ابلاغ ذريعو له مخې د بنګله دېش فائر برېګېډ عهدېدار عنايت حسېن ووئيل دا پېښه پلازمينې ډھاكه ته نزدې بوري ګنګا درياب كښې هغه مهال رامخې ته شوې كله چې د مسافرو يوه بېړۍ مارننګ برډ فراز ګنج سيمه كښې يوې بلې بېړۍ مویور۔ 2 سره ټكر شوه چې په نتيجه كښې ئې 23 كسان مړه او ګڼ شمېر نور بې دركه شول۔ د پېښې په وخت د 10 نه تر 15 كسانو به لامبو وهلو ځان بچ كړے ۔ د ځائي ميډيا له مخې بېړۍ كښې د 50 كسانو نه ناست وو