ګرده نړۍ كښې د كورونا وائرس رنځورانو شمېره 70 لكه ته نزدې شوه

واشنګټن ۔ 7 جون (اے پی پی) ګرده نړۍ كښې د كورونا وائرس ځپليو شمېره 6,897,225 او ددې دلاسه د مړو شويو 4 لكه ته نزدې شوې ده۔ د امریکې د جانز هاپکنز پوهنتون د اتوار ورځې د جون 7 مې نېټې شمېرو له مخې د کورونا وائرس 19 لکه 20 زره نه زيات رنځوران امريكا كښې دي۔ په لاطيني امريكا كښې هم دا وباﺀ دا مهال تندۍ سره مخ په خپرېدو ده او په مجموعي توګه 16 فيصده كېسونه اوس د دې منطقې په هېوادونو كښې دي۔ په ترتيب سره امریکا، برازیل، روسيا، برطانیا او هند ددې وباﺀ دلاسه تر ټولو زيات ځپلې هېوادونه دي۔ بلخوا ګرده نړۍ كښې نزدې 51 لکه كسان ددې رنځ څخه روغ شوي هم دي