اسلام آباد 07 جون (اے پي پي﴾ د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې د وزيراعظم عمران خان په مشرې كښې ټولې ملكي ادارې قومي مقاصد ترلاسه كولو لپاره كار كوي۔ تېره ورځ په خپل يو ټويټ كښې هغې ووئيل چې وزيراعظم عمران خان سره سره د قومي سلامتيا ټولې ادارې قومي مقاصد ترلاسه كولو لپاره پرله پسې كار كوي۔ هغې ووئيل چې مونږ د قومي سلامتيا او دفاع نه پوره خبر يو او د اپوزيشن د سياست له امله د هېواد معيشت ته د رسېدلي زيان ازالې لپاره كار كوو۔ هغې ووئيل چې هغه ورځ لرې نه ده چې پاكستان به د پرمختګ او خوشحالې په لار روان شي او دې سره به د اپوزيشن ټول تنقيد ختم شي۔
