اسلام آباد 21 اکتوبر (اے پي پي) د قامي اسمبلۍ سپیکر سر دار ایاز صادق وئيلي دي د كشميري اولس د هيلو له مخې د كشمير كشالې سوله ايز هوارے منطقه كښې كلك امن او پرمختګ له ضروري دے٬ پاکستان به د کشمیري اولس اخلاقي ،سیاسي او سفارتي ملاتړ روان ساتي۔ د لندن څخه ترلاسه شوې خبر پاڼې له مخې سر دار ایاز صادق د برتانيې د پارلمان غړي د هند لخوا په مقبوضه كشمير كښې د ظلم او د بشري حقونو د خلاف ورزيو او د هندي ځواكونو لخوا د پېلټ ګنز كارولو نه خبر كړه۔ په دې موقع لارډز نذير احمد ٬ قربان حسېن او نور پارلماني غړي موجود وو۔ سپيكر ووئيل هندي ځواكونه په مقبوضه وادۍ كښې په مېرمنو او ماشومانو ناوړه ظلمونه كوي كوم چې د بيانولو نه دي۔ده ووئيل د پاكستان ټول سياسي ګوندونه د كشمير په مسئله يو موټے دي او په دې لړ كښې پارلمان ګڼ شمېر قراردادونه منظور كړي ۔ده ووئيل د پارلمان په اوسنۍ شريكه غونډه كښې د هندي ظلمونو غندنه شوې او د غندې يو قرارداد هم منظور كړې شوې۔ ده ووئيل ملګري ملتونه او نړيواله ورورولي دې كشمير كښې د هند لخوا د جبر ٬تشدد او د بشري حقونو د خلاف ورزيو بندولو له خپل مركزي كردار ترسره كړي۔
