اسلام آباد04 اكتوبر (اے پی پی) وزيراعظم محمد نواز شريف وئېلي دي د قام بشپړ عزم او امنيتي ځواكونو او قانون نافذ كونكو ادارو پرله پسې قربانيو په نتيجه كښې هېواد كښې د امن وضعه تر ډېره حده ښه شوې ده ۔ده دا خبره د نهې پھ ورځ وزيراعظم هاؤس كښې د نېشنل ايكشن پلان په حقله د غونډې مشرۍ كولو سره وكړه۔په غونډه كښې دې خبرې ته سلا راغله چې هېواد د انتهاخوښۍ او ترهه ګرۍ څخه خلاصولو لپاره تراوسه تر لاسه شوي كاميابيو ته د ودې وركولو لپاره په قامي او صوبائي كچه خاص هلو ځلو ته اړتيا ده دغسې په ځينو ځايونو چرته چې پرمختګ غېر تسلي بخش دے٬هلته لا ښه والي ته هم سلا راغله۔د قامي سلامتيا سلاحكار او په نېشنل ايكشن پلان عملدرآمدي كمېټۍ كنوينئر لېفټيننټ جنرال(ر)ناصر خان جنجوعه په پلان د عملدرآمد په وضعه او د پېښو چېلنجونو څخه غونډه خبر كړه۔د نېشنل ايكشن په ټولو اړخونو تفصيلي غور وشو۔د وزيراعظم هاؤس لخوا جاري شوي بيان له مخې د قامي سلامتيا سلاحكار پھ دې خبره زور راوړو چې په نېشنل ايكشن پلان عملدرآمد له د صوبائي حكومتونو كردار مهم دے٬بايد مونږ ټول په ګډه كار وكړو۔په غونډه كښې د نېشنل ايكشن پلان بېلو برخو لپاره پھ اهداف او نظام په اړه د سباؤن په تګلار اتفاق وشو۔په غونډه كښې د امنيتي ځواكونو٬قانون نافذ كوونكو ادارو او د سول آرمډ فورسز د قربانيو اعتراف او د هغوي هڅې وستائلې شوې۔ګډون كوونكو د وفاقي او صوبائي استخبارتي ادارو د كار ستائنه هم وكړه۔د وزيراعظم سېكتر د فوځدارۍ انصاف په نظام كښې د اصلاحاتو په ځينې اړخونو پريزېنټېشن وركړو۔ګډون كوونكو اتفاق وكړو چې مطلوبه نتيجو ترلاسه كولو له د وفاقي او صوبائي حكومتونو او قانون نافذ كونكو ادارو ترمينځه رابطو ته اړتيا ده۔د دښمن عزائم ناكامه كولو له د استخبارتي ادارو رايو ترلاسه كولو٬تجزيې٬جانچ پړتال او لا ښه والي ته سلا راغله۔په دې موقع وزيراعظم محمد نواز شريف ووئيل په نېشنل ايكشن پلان د ټولو ډلو ترمينځه يو موټے كېدو ته اړتيا ده ٬ده ووئيل د قامي پالېسۍ تقاضې ترمخه مونږ د ترهه ګرۍ په ضد جنګ كوو۔ده ووئيل قام زمونږ څخه د ټولنې څخه د خرابو لرې كولو هيلې لري٬مونږ به په هر حال د قام هيلې ترسره كوو۔په غونډه كښې د خېبرپښتونخوا ګورنر اقبال ظفر جهګړا٬د پنجاب اعلٰی وزير شهباز شريف٬د سندھ اعلٰی وزير سيد قائم علي٬د خېبرپښتونخوا اعلٰی وزير پروېز خټك٬د بلوچستان اعلٰی وزير ثناﺀ الله زهري٬د ګلګت بلتستان اعلٰی حافظ حفيظ الرحمان٬د خزانې وزير اسحاق ډار٬داخله وزير چوهدري نثار علي خان٬د اطلاعاتو وزير پروېز رشيد٬سرلښكر جنرال راحيل شريف٬د وزيراعظم خاص مرستيال طارق فاطمي٬د قامي سلامتيا سلاحكار ناصر خان جنجوعه٬د آئي اېس آئي ډي جي لېفټيننټ جنرال رضوان اختر٬خارجه سېكتر اعزاز احمد چوهدري٬د آئي بي ډي جي آفتاب سلطان٬د وزيراعظم سېكتر فواد حسن فواد٬د اېم او ډي جي ميجر جنرال ساحر شمشاد مرزا٬د اېم آئي ډي جي ميجر جنرال نديم ذكي منچ ګډون وكړو۔
