اسلام آباد 02 اکتوبر (اے پی پی) د پاکستان او چین قیادت د اقتصادی راهدارۍ په لويو پروژو د روان كار پیشرفت څخه مطمئن دي، د سی پیك ترمخه د لنډې مودې پروژې به تر 2020ء بشپړ شي دغسې د مينځنۍ مودې پروژې به تر 2025ء او د اوږدې مودې پروژې به تر 2030ء بشپړ كړې شي، د توان پروژو بشپړيدو سره به د دواړو هيوادونو ترمينځه صنعتی مرستې ته وده ترلاسه شي او د اقتصادی پرمختګ نوې لارې به پرانستلې شي۔ د دواړو هيوادونو د ټرانسپورټ انفراسټرکچر جوائنټ ورکنګ ډلې د پريكړې په رڼا كښې اتفاق شوې وو چې کاشغر د ګودار سره تړلو لپاره به يوه راهداري او بيلې زمكيزې لارې جوړولې شي دغسې د لويديزو او سوئيلي لويديزو سيمو معاشی او اقتصادی پرمختګ له به په لويديز روټ په ترجیحی بنیادونو كار كولې شي۔ د پلاننګ کمېسون وياند اے پی پی ته ووئيل لويديز روټ به د هكله څخه پيل كيدو سره تر ډیرہ اسماعیل خان،ژوب،کوئټه ،سوراب او هوشاب څخه تر ګوادر رسي۔ د لويديز روټ په بيل سیکشنز كښې د هكله نه تر ډیرہ اسماعیل خان په 285 کلومیټره اوږد سیکشن كار روان دے ، د پروژې په وخت بشپړولو له دا په 5 پیکجز كښې وېشلې شوي، د كومو 4 پیکجز چې وړاندې نه ایوارډ كړې شوي۔ ده ووئيل دا موټروے به د پنډی ګھیب،سوا،میانوالی،روکھړی او رحمانی خیل څخه تيريدو سره یارك ته رسي ۔ ده ووئيل دا پروژه به په دوه كلونو كښې 129 اربه روپو لګښت بشپړولې شي۔ ده ووئيل بلوچستان كښې د 97 اربه روپو لګښت بيلې پروژې بشپړيدونكې دي دغسې د 170 اربه روپو نورې پروژې د ډیزائن او فزیبلټی پړاړؤ كښې دي ۔ ده ووئيل اقتصادی راهدارۍ كښې شامل پروژو سره سره په نورو مهمو پروژو هم كار روان دے
