اسلام آباد 19 ستمبر (اے پي پي) اولس مشر ممنون حسېن وئيلي دي چې په مقبوضه كشمير كښې د تېرو څو مياشتو په مهال د سلو نه زيات كسان شهيدان كړې شوي٬ د بې شمېره مېرمنو بې حرمتي شوې٬ اوس وخت راغلې چې نړۍ د هند د ظلمونو نوټس اخستلو سره د مظلوم كشميري اولس د خپلواكې حق لپاره غږ پورته كړي۔ په منطقه كښې پوخ امن لپاره دې د كشمير مسئله د ملګرو ملتونو د قراردادونو له مخې حل كړې شي او د اټاليا د دفاع وزيرې روبرټا پېنوتي په مقبوضه كشمير كښې د بشري حقونو د خلاف ورزې او ممنوعه وسلو د استعمال غندنه كړې او وئيلي ئې دي چې د اټاليا حكومت به دا مسئله د نړيوالې ټولنې په وړاندې په بشپړه توګه وړاندې كوي۔ اولس مشر د اټاليا د دفاع وزيرې په مشرې كښې په ايوان صدر كښې د خبرو په مهال ووئيل چې نړيواله ټولنه دې په هند زور واچوي چې په بې ګناه كشميريانو تشدد په سمدستي توګه بند كړي او په منطقه امن لپاره دې د كشمير مسئله د ملګرو ملتونو د قراردادونو له مخې حل كړې شي۔ اولس مشر د خپلو اندېښنو څرګندونه كولو سره ووئل چې هندي پوځ په مقبوضه كشمير كښې د بشري حقونو خلاف ورزي كوي او په بې ګناه كشميريانو ظلم كوي۔ ده ووئيل چې تراوسه د هند پوځ په ظلم كښې د 100 نه زيات كسان شهيدان شوي دي۔ د ښځو او ماشومانو پشمول 160 كسان د بينائي نه محروم شوي دي۔ اولس مشر ووئيل چې د كشميريانو د سوله ايز تحريك په مهال د كال 1989 نه تراوسه د يو لك نه زيات كشميريان شهيدان شوي دي او د لسو زرو په زياتو مېرمنو هندي ځواكونو تېرې كړې۔ ده ووئيل چې وزيراعظم به د كشمير مسئله د ملګرو ملتونو د عمومي اسمبلۍ په غونډه كښې به ښه ډول پورته كوي۔ په دې موقع د اټاليا د دفاع وزيرې روبرټا پېنوتي په مقبوضه كشمير كښې د بشري حقونو د خلاف ورزې او ممنوعه وسلو د استعمال غندنه وكړه او وې وئيل چې د اټاليا حكومت به دا مسئله د نړيوالې ټولنې په وړاندې په بشپړه توګه وړاندې كوي۔
