سبي 01 ستمبر (اے پي پي) وزیراعظم محمد نواز شریف وئيلي دي سړكونو جوړېدو سره به د پرمختګ ٬ امن او سوكالۍ نوې دور پېل شي ٬ لر, پرتو سيمو كښې سړكونه جوړولو ته حكومت پام لرنه كوي ٬ سي پېك منصوبه دښمنانان نشي هضمولي٬ ھغه كورني او بهرني طاقتونه څرګند شوې چا چې د بلوچستان اولس محرومه كړې٬ د الله پاك په فضل د ترهه ګرو ملا ماته كړې شوې٬ تر خپل منزل رسېدو به په قلاره نه كېښنو٬د بلوچستان اولس د خواب تعبير موندلو وخت راغلې٬ قامي وحدت لپاره د پرمختګ تصور رامخې ته كېږي٬ وړومبې به د كوهلو سبي ترمېنځه 600 كلوميټره اوس يوازې 174 كلوميټره مزل كولې شي۔ وزیراعظم محمد نوازشریف دا خبرې د زيارت په ورځ د بلوچستان د دوه مهمو ضلعو ترمېنځه د مواصلاتي تړون وړ د 174 كلوميټره اوږد سبي كوهلو سترې لارې پرانستې دستورې ته وكړې۔ په دې موقع د بلوچستان ګورنر محمد خان اچکزئۍ، وزیراعلیٰ نواب ثناء اللہ زهري ، د منصوبه بندۍ او پرمختګ وفاقي وزير احسن اقبال، د پورټ او شپنګ وفاقي وزی میرحاصل خان بزنجو او د قامي سلامتيا سلاحكار لېفټېننټ جنرال(ر) ناصر جنجوعه ٬د سدرن كمانډ كمانډر لېفټېننټ جنرال عامر ریاض او د اېن اېل سي مشر مېجر جنرال مشتاق هم موجود وو۔ وزیراعظم ووئيل نوې لاره د نوې كور لاره پرانځي٬ نن د يو سړك پرانسته يوازې د يو لارې نه د خوشحالۍ ٬ امن او پرمختګ د امكاناتو پرانستې دي ٬د بلوچستان خوشحالي زمونږ منزل دے او دې ته رسېدو لپاره لارې جوړول ضرورې دي۔ده ووئيل د بلوچستان د پرمختګ ادعاګانې وړاندې هم شوې او د صوبې پرمختګ خپل منزل مقصود ګرځولې شوې وٶ خو دې منزل ته رسېدو لپاره لارې هم ضروري دي
