اسلام آباد 30 اګست (اے پی پی)وفاقي حكومت د سندھ حكومت ته د برېښنا د اوږد لوډشېډنګ د شكاياتو لرې كولو باور وركړی او د صوبې په ذمه د واجباتو معامله زر تر زره پھ حل كولو اتفاق شوې۔د نهې پھ ورځ د سندھ وزيراعلٰی سيد مراد علي شاه د اوبو او برېښنا وفاقي وزير خواجه محمد آصف سره ملاقات وكړو او ده سره يې په سندھ كښې د برېښنا په صورتحال او د لوډ شېډنګ پھ چارو خبرې وكړی۔د ملاقات نه پس خبريالانو سره په خبرو كښې د اوبو او برېښنا وفاقي وزير خواجه محمد آصف ووئيل چې په سندھ كښې به د لوډشېډنګ ازاله كولې شي۔ده ووئيل چې د صوبې ځينې ستونزې به په راتلونكو دوه دريو ورځو كښې حل كړی شي۔په سندھ كښې د برېښنا د رسد د نظام ښه كولو ضرورت دے او دا كار به په راتلونكي يو نيم كال كښې ترسره كړې شي۔پھ دې موقع د سندھ وزيراعلٰی سيد مراد علي شاه ووئيل چې ملاقات ښه وو۔وفاقي حكومت زمونږ ډېرې خبرې منلې دي۔صوبائي حكومت به د راتلونكو دوه كلونو په مهال د 800 نه تر 1000 مېګاواټ برېښنا پیدا كولو لپاره د قابل تجديد توان وسيلې كاروي۔
