اسلام آباد ۔ 21 اګست (اے پی پی) د اطلاعاتو او خپرونو وفاقي وزير پروېز رشيد وئيلي دي هغه ورځ راتلې نه شي چې څوك به د مسلمانانو مقدس ځايونو ته په كږه سترګه وګوري۔ د اسلام په نامه ترهګري كوؤنكي زمونږ نه نه دے۔ ترهګري مسلمانانو ته منسوب كول سم نه دي۔ اسلام د امن او انسانيت مذهب دے۔ اسلام دا وائي چې د يو انسان وژل د ټول انسانيت وژل دي۔ امت مسلمه د خپل دين ٬ رياست او مقدس ځايونو ساتلو له يو موټي دي۔ علماء کرامو د اسلام حقيقي څېره نړۍ ته وړاندې كړې۔ مونږ له به خپلو صفونو كښې دښمن لټول او د ده سمې لارې ته راوستل وي۔ علماﺀ كرام بايد دې لړ كښې خپل كردار ترسره كړي۔ وفاقي وزير د اتوار په ورځ كنونشن سنټر كښې اتحاد امت عظمت حرمېن شريفېن كنفرنس ته خطاب كولو۔ ده ووئيل اسلامي نړۍ دې نه وړاندې چې كومې خطرې پېښې وې هغو كښې دښمن ښكاره ليدلې شو ولې چې د هغه تعلق به حق سره نه ؤ۔ مسلمان به يو اړخ ته او كافر به بل اړخ ته ؤ۔ له دې كبله دښمن ته ماتې وركول او د مسلمانانو تحفظ كول به ښكاره ؤ۔
