وفاقي وزيره شزا فاطمه انټرنېشنل ټېکنالوجي کنفرنس كښې ګډون لپاره ماسكو ته ورسېده

ماسکو۔16ستمبر(اے پی پی) د انفارمېشن ټېكنالوجي او ټېلي كميونيكېشن وفاقي وزيره شزا فاطمه خواجه د روسيه پلازمينه ماسكو ته ورسېده چرته به چې په دويم انټرنېشنل ټېكنالوجي کنفرنس كښې ګډون كوي۔ کنفرنس 16 څخه تر 18 ستمبر په پیټریاټ اېکسپو، ماسکو ریجن كښې كيږي۔ د نهې په ورځ د آئي ټي او ټيلي كام وزارت لخوا د جاري شوي بيان له مخې په ایونټ كښې 30 هېوادونو څخه 500 سپیکرز او 200 څخه زياتې كمپنۍ ګډون كوي۔ وفاقی وزیره به په انټرنیشنل پلینری سېشن “Digital Compass of the SCO-Partner Dialogue: Course on Trusted Technologies” كښې د سپيكر په حېث ګډون كوي۔ هغه به د روسيه د تجارت و سرمايه كارۍ وزير اېنټن علیخانوف او د ډیجیټل ډوېلپمنټ، کمیونیکېشنز اېنډ ماس میډیا وزير ماکسوت اِګورِوِچ شادائیف سره ملاقات كوي۔ وفاقی وزیره به “Industry Code: The Role of New Industrial Technologies in Improving Labor Productivity” سېشن ته د سپيكر په حېث خطاب هم كوي