صدر مملكت د انفارميشن ګروپ پخوانے سینئر افسر اختر منیر د ایف پی ایس سی غړے غوره كړو

اسلام آباد۔12ستمبر(اے پی پی) صدر مملكت آصف علي زرداري د انفارميشن ګروپ پخوانے سینئر افسر اختر منیر د فېډرل پبلك سروس كمېشن (اېف پی اېس سی) غړے غوره كړے دے۔ د كابينه ډويژن لخوا د جاري كړې شوي نوټیفکېشن له مخې دا تقرري د آئینِ پاکستان د آرټیکل 242 او فېډرل پبلک سروس کمېشن آرډیننس 1977 اړوندو شقونو له مخې عملي كړې شوې ده۔ په نوټیفکېشن كښې وئيلې شوي دي چې اختر منېر، كوم چې د انفارمېشن ګروپ ریټائرډ ګرېډ-21 افسر دے ، درې كالو لپاره يا تر 65 كالو عمر ٬ كومه موده هم چې مخكښې پوره شي ٬ د فېډرل پبلك سروس كمېشن غړے غوره كړے شوے دے۔