تيانجن 30 اګست (اے پي پي) وزيراعظم محمد شهباز شريف د چين په سرکاري دوره تيانجن ته رسيدلې دے۔وزيراعظم به د شنګھائي مرستي تنظيم (اېس سي او) مشرانو غونډي پشمول په بيجنګ كښې د چين اولسي جنګ فتح 80مي سالګرې دستوره كښې او نورو مهمو سرکاري مصروفيات كښې ګډون كوي۔ وزيراعظم سره پلاوي كښې نائب وزيراعظم او خارجه وزير محمد اسحاق ډار، وفاقي وزيران ډاکټر احسن اقبال، عطا الله تارړ او اعليٰ سرکاري چارواكي شامل دي۔ تيانجن په هوائي ميدان د چين جنرل ايډمنسټريشن آف کسټمز سي پي سي کمېټۍ وزير او سيکريټري سن ميجن، تيانجن ميونسپل پيپلز کانګريس سټينډنګ کمېټۍ چيئرمېن او د ګوند سيکريټري يو يونلن، پاکستان كښې د چين سفير جيانګ زائيډونګ او چين كښې د پاکستان سفير خليل هاشمي د وزيراعظم تود هركلے وكړو۔ وزيراعظم شهباز شريف به د 31 اګست نه تر 01 ستمبر 2025 تيانجن كښې كيدونكي د شنګھائي مرستي تنظيم کونسل آف هيډز آف سټيټ په غونډه كښې كډون كوي او غونډي ته به وينا كوي۔په دې موقع به هغه د چين صدر شي جن پنګ او وزيراعظم لي کيانګ سره دوه اړخيزه ملاقاتونه كوي چې پكښې به د شريكې خوښي په چارو ، اقتصادي مرستي او د سيمي په مجموعي صورتحال د خيالاتو څرګندونه كولې شي۔د خپلې دورې په مهال به وزيراعظم د چين نوموړو کاروباري شخصياتو سره ملاقاتونه كوي دغسې په 4 ستمبر په بيجنګ كښې دويم پاك چين بي ټو بي سرمايه کارۍ کنفرنس مشري به هم كوي۔ د دې کنفرنس مقصد د دواړو هېوادونو ترمينځه تجارتي او سرمايه کارۍ اړيكي لا قوي كولو او د شريكې مرستي نوي موقع لټول دي۔وزيراعظم شهباز شريف شنګھائي مرستي تنظيم په موقع د نورو هېوادونو مشرانو سره هم ملاقاتونه كوي۔ وزيرِاعظم محمد شهباز شريف د چين صدرِ شي جن پنګ په بلنه 31 اګست نه تر 1 ستمبر 2025 د چين تيانجن ښار دورې په مهال د شنګھائي مرستي تنظيم (اېس سي او) مشرانو کونسل (سي ايچ اېس) او مشرانو کونسل پلس (سي ايچ اېس پلس ) غونډه كښې د پاکستاني پلاوي مشري كوي، وزيرِاعظم به د سيمي او نړۍ په مهمو مسئلو د پاکستان نکته نظر وړاندې كوي۔ اېس سي او، سي ايچ اېس مشرانو په غونډه كښې به د هېوادونو مشران ګډون كوي چې پكښې پاکستان، بېلاروس، چين، هند ، ايران، قازقستان، کرغزستان، روس، تاجکستان او ازبکستان شامل دي۔ اېس سي او، سي ايچ اېس غونډه به په يو توسيع شوې فارميټ كښې كيږي چې پكښې به د منګوليا، آرمينيا، آذربائيجان، کمبوډيا، نيپال، ترکيه، مصر، مالديپ، ميانمار، ترکمانستان، ملائيشيا، لاؤس، ويتنام او انډونيزيا لارښود،د ملګرو ملتونو سيکريټري جنرل او نور سيمه ايز او نړيوالو تنظيمونو مشران ګډون كوي۔
