اسلام آباد 30 اګست (اے پي پي) وفاقي وزير او پاکستان مسلم ليګ (ن) خېبرپښتونخوا صدر انجينئر امير مقام سره د پېښور ضلع د ګوند كارمندانو د صدر راشد محمود خان په مشرۍ كښې وليدل۔ ملاقات كښې د پېښور د ګوند په چارو او په اولسي مسئلو خبري اتري وشوي۔د خالي په ورځ جاري شوې بيان له مخې انجينئر امير مقام پلاوي له باور وركړو چې د پېښور د ګوند کارمندانو مسئلې به په ترجيحي بنيادونو حل كولې شي۔ وفاقي وزير د پلاوي تجويز ستائلو سره ووئيل هره مياشت به دوه ځل پېښور ته دوره كوم او هلته به کھلي کچهري کولې شي دغسې چې نيغ په نيغه اولسي مسئلې واوريدلې شي او حل كړې شي۔پلاوي كښې نائب صدور خېبرپښتونخوا کامران خان، فضل الله داؤدزئي، جنرل سيکرټري ضلع پېښور امان الله خان، سيکرټري اطلاعات اعجاز خان بډه بير، سينئر نائب صدر ملك راشد خان، پخوانې اميدوار PK-72 عظمت خان، يوتھ ونګ حاجي ګل زمان مهمند، اېم اېس ايف مسلم خان، عارف خان، عالمګير آفريدي او جواد خان شامل وو۔په دې موقع انجينئر امير مقام د جواد خان د آپريشن خرڅ د خپل ذاتي جيب څخه كولو باور وركړو۔پلاوي په دې اقدام د وفاقي وزير مننه كولو سره د هغه د عوام دوستي او خدمت جذبې ته پيرزوئنې وړاندې كړي۔
