پېښور ۔ 29 اګست (اے پی پی) په خېبر پښتونخوا كښې نن څخه د زياتو بارانونو امكان ښكاره كړے شوے دے۔ د موسمياتو محكمې له مخې د بارانونو دا لړۍ تر 31 اګست پاتې كېدې شي په دې مهال د لېنډ سلائيډنګ خطره هم رامخې ته شوې ده۔ د موسمياتو محكمې له مخې په صوبائي سر ښار پېښور ٬ چترال، دیر، سوات، بونیر، مانسهرہ، اېبټ آباد، نوښار ٬ مردان، ډی آئی خان، ټانک،کوهاټ او بنو كښې د باران امكان دے۔ دغسې د آزاد کشمیر په مظفرآباد، باغ، حوېلی،کوټلی،میرپور او بھمبر كښې هم نن د باران پېشګوئي شوې ده۔ دې سره سره په ګلګت بلتستان كښې هم 29 څخه تر 31 اګست د بارانونو ٬ لېنډ سلائیډنګ او د ګلېشیائی جھیلونو د ماتې اندېښنه ښكاره كړې شوې ده۔
